Duha ka mga dagkong personalidad sa CNTs sa NCMRC nadakpan sa Bukidnon

MARAMAG, Bukidnon – ang hiniusang pwersa sa kasundaluhan ug kapulisan pinaagi sa Law Enforcement Operation nagmalampuson nga midakop sa duha ka mga dagkong personalidad sa CNTs, NCMRC nga sila ni: Cecilia Evelia Acenas Zarate alias LEA, 65 anyos ug myembro sa Finance Staff sa North Central Mindanao Regional Committee nadakpan didto sa Purok 9A, Barangay Sinangguyan, Don Carlos, Bukidnon sa may alas 2:00 ang takna sa kahaponon kaniadtong Marso 14, 2021 ug sa gipahigayon nga follow-up operation si Helen Colita Cagas alias AGNES/ FELY, 68 anyos ang panuigon, Team Leader sa Liason Staff sa North Central Mindanao Regional Committee nadakpan usab didto sa South Poblacion, Maramag, Bukidnon sa may ala 1:00 ang takna sa kahaponon kaniadtong Marso 16, 2021.

Si Cecilia Acenas Zarate, alias LEA, nadakpan pinasikad sa warrant of arrest sa kasong murder docketed ilalom sa criminal case no. 29-05-793 with no bail bond, nga girekomenda ni Hon. Jeanne Marie Abarrentos, ang presiding judge sa RTC 10th Judicial Region, Branch 11, Manolo Fortich, Bukidnon nga pinetsahan kaniadtong Mayo 21, 2020. Samtang si Helen Colita Cagas alias AGNES/FELY nadakpan usab pinasikad sa warrant of arrest sa kasong kidnapping with murder ilalom sa criminal case no. 2013-874 nga gi-issue kaniadtong July 13, 2013 ubos sa rekomendasyon nga no bail bond ug ang kidnapping ilalom usab sa criminal case no. 2013-875 nga gi-issue kaniadtong January 30, 2014 ubos sa rekomendasyon usab nga no bail bond, ang tanan pinirmahan kini ni Hon. Vicente F. B. Rosales, ang Presiding Judge sa RTC 10, Branch 20 ug 23, sa Cagayan de Oro City. Sa pagkakaron, ang dinakpan nga si Cecilia Evelia Acenas Zarate, alias LEA, nadetenar sa Don Carlos MPS samtang si Helen Colita Cagas, alias AGNES/ FELY kasamtangang nakabalhog sa Maramag MPS.

Ang malampuson nga hiniusang pwersa sa kasundaluhan ug kapulisan sa gipahigayon nga Law Enforcement Operation nahitabo tungod sa kooperasyon ug pakigtinabangay sa 88th Infantry Battalion, 403rd Infantry Brigade, MIG 10, 43rd MICO, 10 ISU, Don Carlos MPS, Maramag MPS, 1003rd MC, ug 2nd PMFC.

Nakumpiska sa ilang mga kamot ang mga mosunod: one (1) Laptop, one (1) Touchscreen cellphone, two (2) keypad cellphones, one (1) USB, ug ubay-ubay nga mga subersibong dokumento nga adunay taas nga intel ug tactical value

Si Ltc Christian James P Vingno, ang Batalyon Kumander sa 88IB, mihatag ug komendasyon sa gipahigayon nga hiniusang AFP-PNP Law Enforcement Operation sa malapuson niini nga operasyon batok sa duha ka mga dagkong personalidad. Gitagaan usab niya ug pasidungog ang kooperasyon sa atong nagpakabanang katawhan. Dugang pa niya, ang malampuson nga nga hiniusang AFP-PNP operation usa sa nagpamatuod nga ang mga teroristang CPP-NPA wala kinahanglana sa malinawon ug luwas sa kagubot nga mga komunidad. Ang pwersa sa atong gobyerno mihimo ug daghan nga mga pamaagi aron mahuman na ang lokal nga armadong panagbangi, dili sa militar nga pamaagi kon dili pinaagi sa hiniusa ug nasudnon nga mga lakang. Sa makausa pa, si Ltc Vingno mi-encourage sa mga CPP- NPA nga padayon pa nga nakig-away sa ilang sayop nga idolohiya nga mao na kini ang ensaktong panahon aron ilang biyaan ang armadong pakigbisog, dili pa ulahi ang tanan sa pagsugod ug bag-ong kinabuhi, ug ang gobyerno makanunayon nga motabang sa mga nanginahanglan.

Leave a Reply